Bróðir minn Bastían

Gleðileg Jól

2004-12-15T13:52:00.000-08:00

Jæja, ég blogga sennilega ekki meira fyrir jól þannig að ég segi bara við alla:

Gleðileg Jól

Gettu betur

2004-12-15T11:33:00.000-08:00

Ein gáta fyrir skólafólkið fyrir jólin:

Hve mikill jarðvegur er í holu sem er 1,5 metrar á dýpt, hæð og breidd?

Ofurmenni á Íslandi?

2004-12-12T13:07:00.001-08:00

Jú það eru til ofurmenni á Íslandi og það eru íslensku jólasveinarnir 13. Ekki láta glepjast af lúðalegu útliti eða sögum um mismikla vitsmuni íslensku jólasveinanna, því tölurnar tala sínu máli. Þessar tölur er að finna á Vísindavef Háskóla Íslands og ekki hefur hann logið hingað til. Samkvæmt þeirra tölum þarf hver jólasveinn að skila af sér um það bil 14 tonnum af jólagjöfum, miðað við að þeir komi við hjá 70.000 börnum. Þetta þarf allt að gerast á innan við c.a. tólf klukkustundum og eru þeir því að fylla á svona 97 skó á mínútu.
Ekki slæmur árangur það!

2004-12-12T08:01:00.000-08:00

Langaði bara að mynna á sýninguna, tilvalið í jólastressinu að róa sig aðeins niður og skoða þessar æðislegu myndir.

2004-12-11T15:40:00.000-08:00

Ingi læddist út um daginn til að fá sér að borða án þess að taka mig með. En ég kom sko upp um hann!

Ljóð dagsins

2004-12-11T11:43:00.000-08:00

Ljóð dagsins er eftir Valgarð Guðjónson, kenndan við Fræbbblana.

Ljóð

Djöfuls vandræði hjá mér.

Hef ekkert að segja þér.

Þér finnast textar mikið mál.

Ég nenni ekki að semja þá.

Ljóð eru leiðinleg, litlaus og ljót.

Ég er of latur í svoleiðis dót.

Þú getur samið þitt kjaftæði og rugl.

Ég hef engan tíma í svoleiðis bull.

Valgarður Guðjónsson

2004-12-09T14:51:00.000-08:00

Jæja ég er búin að taka þessa helv.. tónlist í burtu, þannig að það er of seint fyrir þá sem eru með of lélega tölvu að heyra ;) Það var ekkert nema pop-up og drasl sem fylgdi þessu.

Lausn

2004-12-09T14:27:00.000-08:00

Jæja það þýðir víst ekkert að bíða lengur með svarið. Þetta er bara svona "hvað eru mörg þ í því" gáta. Svarið er "few" það er þriggja stafa orðið. "Bættu tveimur stöfum við orðið og fewer verður það". :) ... og þessi er sko ekkert asnaleg! hehehe

Brettabað

2004-12-08T13:20:00.000-08:00

Já maður þarf nú að fara í bað öðruhverju, ... hva hafiði aldrei séð neinn baða sig á skurðarbretti áður! Ég tek eftir því að það eru ekki margar ágiskanir um nýjustu gátuna, ég ætla ekki að koma með svarið alveg strax en hérna er hint: ef spurningin er lesin vel er aldrei að vita nema svarið leynist bara í spurningunni?!?

Víngerð Lúnu

2004-12-08T13:11:00.000-08:00

Já það er margt skemmtilegt sem maður rekst á, á netinu. Til dæmis þessi vínekra í Napa dalnum á Ítalíu, þar er hægt að vera áskrifandi að handunnum vínum. Spurning hvort ég ætti ekki að fara fram á nokkrar flöskur á ári bara fyrir nafnið. :)

Senn koma jólin

2004-12-06T14:40:00.000-08:00

Jæja, senn líður að jólum. Hér í Reykjavík er nú allt verða útatað í jólaljósum, ég lét mér nú duga eina litla seríu í stofugluggann. Þessi jól ætla ég að vera á Akureyri afþví Ingi og Eva ætla að vera í Frakklandi. Eins gott að jólasveinninn finni skóinn minn þar!

I dag snakker vi engelsk.

2004-12-06T13:52:00.000-08:00

Gáta dagsins er á ensku, þeir sem ekki skilja geta haft samband og ég snara þessu yfir á íslensku.

I know a word of letters three, add two and fewer there will be?

Upplyfting

2004-12-04T14:01:00.000-08:00

Eins og þið sjáið er kominn nýr fínn haus á spjallið mitt. Það var Eva sem var svona góð við mig að setja þetta inn fyrir mig. Ingi sem kann ekkert á tölvur kunni það ekki.

Sebastían

2004-12-04T08:56:00.000-08:00

Hér kemur ein mynd til viðbótar af Sebastian

Lausn

2004-12-01T07:50:00.000-08:00

Jæja, heitar umræður hafa skapast í kringum síðustu gátu og rétt að koma með svarið við henni:

Stúlkurnar tvær voru ekki tvíburar heldur þríburar, því þriðja systirin fæddist nokkrum mínútum á eftir þeim! :)

Ljóð dagsins

2004-11-29T18:18:00.000-08:00

Hér kemur eitt skemmtilegt ljóð og er það fyrsta ljóðið sem ratar á þessar síður, en ég vil benda á að ég tek að mér að birta ljóð eftir lítt þekkta höfunda til að koma þeim á framfæri. Ekki taka mark á teljaranum á síðunni hann er bilaður, en samkvæmt samræmdri vefmælingu Modernuss
er þessi síða sú 17. vinsælasta á Íslandi. Alveg satt ; )

1. Apríl

Mars

búinn.

Andri Snær Magnason

Uppvask

2004-11-29T17:55:00.000-08:00

Ingi nennir aldrei að þrifa dótið mitt þannig að ég neyðist víst bara til að gera þetta sjálf. Ömurleg þjónustan á þessu hóteli hérna!

Gáta dagsins

2004-11-28T14:31:00.000-08:00

Það er kominn tími á nýja gátu.

Tvær stelpur voru fæddar sama dag, á næstum því sama tíma, á sama spítala og á sama ári og eiga sömu foreldra. Hvernig er það mögulegt að þær séu ekki tvíburar?

Stærðfræði glens

2004-11-24T10:09:00.000-08:00

Ingi sagði mér brandara í áðan sem stærðfræðikennarinn sagði í tíma í morgun. Maður einn kom alveg trylltur inn í strætó og öskraði á alla, ég tegra þig! ég diffra þig! Allir hlupu skelkaðir út úr vagninum nema einn, maðurinn gekk að honum og spurði afhverju hann væri ekki hræddur eins og hinir. Þá svaraði hann, af því ég er e í veldinu t.

Já hann er svolítið djúpur þessi ;)

Wannabe

2004-11-24T09:51:00.000-08:00

Kanína í líkama hunds ;)

X-Lúna

2004-11-21T13:47:00.000-08:00

Í gær var frétt um það í sjónvarpinu að mengun í eggjum hafarnarins á Íslandi stæði honum fyrir þrifum. Mengunin er þess valdandi að mun lengri tíma tekur fyrir stofninn að stækka en ella. Ástæðan fyrir menguninni í eggjunum var sögð mengun frá öðrum löndum. Ég veit ekki með aðra en mér finnst það hræsni í Íslendingum að boða aukna umhverfisvitund í öðrum löndum og auglýsa landið okkar svo sem hreint og fagurt meðan við keppumst við að fylla upp í undanþágu kvótann til losunar á gróðurhúsalofttegundum.

Var það ekki Michael Jackson sjálfur sem sagði: "if you want to make the world a better place, take a look at your self and make a change"

Svangar gæsir

2004-11-20T05:58:00.000-08:00

Vinkonur hennar Evu komu í heimsókn í dag. Eitthvað hafa þær nú fengið lítið að borða uppá síðkastið greyin því þegar Ingi fór út á svalirnar með brauð ætlaði bara allur hópurinn að koma fljúgandi uppá svalirnar, þannig að hann þurfti að baða út öllum öngum til að losna við þær. Svo fengu þær bara brauð út um gluggann.

Sebastían

2004-11-20T04:09:00.000-08:00

Langaði til að setja inn eina mynd af Sebastían.

Muse miðar

2004-11-20T03:43:00.000-08:00

Þetta lítur út fyrir að vera bara ósköp venjulegt umslag, en það er sko miklu meira en það. Þetta umslag inniheldur nefninlega þrjá miða á tónleika Muse í London. Jebb, miðarnir eru komnir í hús og þá getur Inga farið að hlakka til..... ég trúi samt ekki ennþá að hann hann ætli að taka Evu og Gyðu með en ekki mig!

Veðurfréttir dagsins

2004-11-16T18:55:00.000-08:00

Ég er vön að koma með veðurfréttir og hér eru veðurfréttir dagsisins: SKÍTAVEÐUR! Það er ekki ketti út sigandi, það kyngir bara niður snjó. Eins gott að ég fer ekki mikið út.

Feluleikur

2004-11-16T10:52:00.000-08:00

Stundum felur Ingi fyrir mér hluti sem ég má ekki fikta í. En ég er nú ekki lengi að finna þá : )

Heilagur sannleikur

2004-11-16T10:44:00.000-08:00

Loksins er sannleikurinn kominn á prent!

(smellið á myndina til að stækka)

Did you know?

2004-11-06T21:41:00.000-08:00

Já þá er best að koma með svarið við síðustu spurningu. Til að jafnan sé sönn þarf að breyta fyrri + í 4 með einu litlu striki. Þá fæst út: 545+5=550.

Efnið og andinn

2004-11-06T21:24:00.000-08:00

Í gær var líka opnun á listaverkasýningunni hennar langömmu, Ingi fór á opnunina en ég fékk ekki að fara með :( En sem betur fer þá tók Ingi nokkrar myndir og er hægt að skoða þær hér. Ég hefði betur farið og tekið myndirnar, því Ingi kann greinilega ekkert á myndavél!

Partý

2004-11-06T13:28:00.000-08:00

Eins gott að ég er ekki fyrir bjór þamb, ég nennti sko ekki með Inga í partý í gær og sem betur fer því Björn Þór og Bergdís sem héldu partýið eiga þessa kisu. Hún er aðeins þyngri en ég, 5 kíló. : )

Riddle me this riddle me that...

2004-10-30T14:21:00.000-07:00

Já, spurnig dagsins er auðveld ;<>

Með því að draga eina línu er hægt að gera jöfnuna sanna.

5+5+5 = 550

Veist þú svarið?

Vetur

2004-10-30T14:11:00.000-07:00

Jamm, veturinn er kominn hjá mér. Þegar ég um daginn var bara allt hvítt úti. Brrrr... Annars er voða lítið að frétta hjá mér, ég er reyndar flutt. Nei ég er ekki flutt að heiman, bara inní svefnherbergi, var komin með leið á því að vera frammí stofu. Bráðum fæ ég vefmyndavél :<> þannig að þá getur Eva séð mig þegar ég tala við hana í gegnum tölvuna. Eva keypti myndavélina í Frakklandi og sendi mér, ég er bara hrædd um að einhver hafi stolið henni því hún er búin að vera svo lengi á leiðinni. :<

USA

2004-10-25T18:33:00.000-07:00

Svona líta sem sagt kanínur út í Ameríku!

Muse

2004-10-24T14:52:00.000-07:00

Ingi er búinn að kaupa þrjá miða á tónleika Muse sem verða haldnir í Earls Court í London þann 19. desember. Ég er bara að spá í hver þessi þriðji sé sem mun koma með okkur á tónleikana??

Did you know?

2004-10-24T13:55:00.000-07:00

Jæja það er best að koma með svarið við gátunni sem Sebastian kom með um daginn.

Svarið hljóðar þannig :
1113213211 hver lína er bara upptalning á tölunum í línunni fyrir ofan.
Neðstu línuna væri því líka hægt að skrifa svona: einn ás, einn 3, tveir ásar, þrír 2, og einn ás.

Sko, mjög einfalt! .... allavega fattaði ég þetta eins og skot ;<>

Uppvask

2004-10-24T13:43:00.000-07:00

Það eru sko ekki bara glös og diskar sem eru þurrkuð í þessari grind!

Í minningu Sebastíans

2004-10-22T07:18:00.000-07:00

í minningu bróður míns Sebastíans ætla ég að halda uppi bloggsíðunni hans.
Þó að ég hafi verið svolítið dugleg að stríða honum stundum þá er ég viss um að hann hefði viljað það. Ég mun halda áfram að koma með fréttir af vitleysunni í Inga og Evu auk þess sem ég ætla að setja inn myndir af Sebastian, og kannski lauma ég inn nokkrum af mér líka ;)

Riddle me this, riddle me that....

2004-10-09T22:00:00.000-07:00

Það er komið að nýjum lið hér á spjallinu sem verður reglulega á dagskrá.
Það eru þrautir og gátur, fyrsta gátan er hér fyrir neðan og svarið við henni mun ég byrta svo fljótlega.

Hvaða talnaruna kemur næst?

1
11
21
1211
111221
312211
13112221

Haust

2004-10-06T21:29:00.000-07:00

Þemað í dag er haust, já það er komið haust með sínu roki og rigningum endalaust. Í fyrradag kom svo alveg brjálað rok og björgunarsveitir út um allt að bjarga málunum. Ég var búinn að segja Inga að loka öllum gluggum en hann hefur greinilega gleymt að loka svefnherbergisglugganum, því þegar hann ætlaði að fara að sofa var kominn bunki af laufblöðum og hálfur sandkassi í rúmið hans. :) hehe. Ástæðan fyrir því að ég hef ekki skrifað lengi er sú að Ingi var að reyna að strauja tölvuna. Hann kann náttúrulega ekkert á tölvur og auðvitað endaði það með því að ég þurfti að bjarga málunum eins og venjulega!

Ísland í bítið

2004-09-28T22:19:00.000-07:00

Vá, ég held að ég verði nú að teljast heppinn með þetta fiðraða gerpi sem er systir mín. Sá Tjörva nefninlega í Ísland í bítið í gær. Þar var hann með nokkur gerpi með sér og meðal annars eitt risa skaðræðis gerpi, og sagði Tjörvi að það væri 2. tonna bitkraftur í gognum á honum, sem er það sama og hjá Rotweiler! Eins gott að hann komist ekki í eyrun á neinum.

Vive la France!

2004-09-28T15:37:00.000-07:00

J'ai commencé à étudier le français, et pour ceux qui ne me comprennent pas, j'ai ajouté un programme de traduction à mon site.

Fyrir þá sem eru ekki eins góðir í frönsku og ég, bendi ég á þýðingarvélina hér til hliðar sem ég var að bæta á síðuna mína.

Sumarmynd

2004-09-25T18:07:00.000-07:00

Af því það er til svo mikið af myndum af mér, og ég myndast svo vel þá ætla ég að setja nóg af myndum af mér hérna inn :)

Morgunleikfimi

2004-09-25T00:32:00.000-07:00

Jæja þá kemst maður loksins í tölvuna, Ingi hefur ekkert hleypt mér í tölvuna af því ég er búinn að vera svo óþekkur segir hann ??? Þó maður narti nú í nokkur blóm! Annars er allt gott að frétta af mér, ég er byrjaður að stunda morgunleikfimi þrisvar í viku kl. 6 á morgnana meðan Ingi fer í ræktina. Hita upp með því að skokka 3 ferðir fram í stofu og til baka inní herbergi, svo velti ég einum skó fram og til baka eftir mottunni og enda svo á að grafa 4 holur og taka 20 kanínuhopp í rúminu. Svo verður maður náttúrulega að teygja vel á eftir.

Ohh ég er svo einmanna.....

2004-09-20T11:22:00.000-07:00

Eva er alltaf búin að vera að tala um að finna kærustu fyrir mig svo ég verði ekki einmanna. Mér líst ágætlega á þessa!

Eva

2004-09-17T14:11:00.000-07:00

Ég held ég sé farinn að sakna Evu pínu...... þó hún vilji alltaf vera að halda á mér ;)

Óþekkt

2004-09-17T13:59:00.000-07:00

Stundum er Ingi óþekkur og nennir ekki að klóra mér eða eitthvað, þá fær hann refsingu....ég borða blómin hans :) hehe

Ugla

2004-09-12T15:14:00.000-07:00

Mig langar að votta Uglu kisunni hennar Gyðu, virðingu mína. Hún dó um daginn, fyrir aldur fram.

Ég

2004-09-12T14:54:00.000-07:00

Úff það voru til svo margar myndir af mér, en hérna er ein. Hinar koma seinna. Þessi er tekin hjá ömmu og afa á Akureyri.
P.S. svipinn sem sést á myndinni kalla ég "Blue Steel"
Ef þið hafið séð mynd sem heitir Zoolander, þá fengu þeir hann lánaðann í myndina.

Portrait

2004-09-09T19:04:00.000-07:00

Pifff..... það bara einhver andlitskeppni fyrir illfygli á gæludýraspjallinu. Það er sko til miklu flottari myndi af mér!

Skin og skúrir

2004-09-09T15:09:00.000-07:00

Já það skiptast á skin og skúrir hjá mér núna. Hundleiðinlegt veður, og einni mínútu eftir að Ingi hjálpaði mér að taka þessa mynd kom helli demba! En ég held að veðrið sé að batna og þá ætla ég kannski að fara og skoða nýja bílaplanið.

Aðalbláber

2004-09-08T21:51:00.000-07:00

Mmmm....... aðalbláber. Ég fékk aðalbláber í kvöldmatinn í gær. Þau eru sko eiginlega það besta sem ég fæ, og líka vínber og plóma, og melóna........... :) Afi á Þingeyri tíndi þessi ber og sendi mér.

Ferðalög

2004-09-06T20:54:00.000-07:00

Eins og hjá flestum öðrum fyrirsætum þá eru aðaláhugamálin mín heimsfriður og ferðalög. Ég hef sennilega ferðast meira en nokkur önnur kanína á Íslandi, ég hef nefninlega komið í alla landsfjórðunguna; Vestfirði, þar sem amma og afi búa, Norðurland þar sem hin amma og afi búa, ég fór í ferðalag til Austfjarða með Inga og Evu, og svo bý ég á Suðurlandi. Myndin af mér hér að ofan er síðan við fórum í ferðalag um Suðurlandsundirlendið, og er hún tekin við Skógarfoss.

Módel

2004-09-05T16:25:00.000-07:00

Fyrir þá sem vita það ekki þá ætla ég að verða kanínu módel, ég get sko alveg gert pósur. Þessa uppstillingu kalla ég "thunder79".

Ég geri allt sjálfur!

2004-09-05T15:47:00.000-07:00

Hérna er ég ég að setja tölvuna í samband til að geta byrjað að blogga.

HTML

2004-09-03T18:32:00.000-07:00

Er til HTML námskeið fyrir kanínur? Nei var bara að spá, kannski ég......... þegiðu Lúna, það dugar enginn páfagauka lærdómur fyrir svona!

Loksins fæ ég mitt eigið blogg!

2004-09-03T18:17:00.000-07:00

Hæ, ég heiti Sebastian og er kanínustrákur. Ingi sem ég er að passa meðan Eva er í útlöndum hjálpaði mér að búa til þetta blogg, en í framtíðinn ætla ég sko að blogga alveg sjálfur!
Áður var Eva búin að búa til blogg handa mér en hún er svo frek þannig að ég fékk aldrei að ráða hvað stóð í því! En núna þegar ég á mitt eigið blogg get ég sagt það sem ég vil um þá sem ég vil.